اته قلمه خوراکي توکي د تخار پوهنتون لیلیې ته ولېږدول شول
د تخار ولایت د ارزاقو مدیریت له لوري د دې ولایت د پوهنتون لیلیې ته ۸ قلمه خوراکي توکي ولېږدول شول.
د تخار ولایت د ارزاقو لوی مدیر عبدالرحمن صاحبزاده وایي، چې یاد خوراکي توکي وړمه ورځ د کندز ولایت له ګدامونو څخه د دې ولایت د ارزاقو امارتي شرکت له خوا انتقال شول او د پوهنتون د لیلیې اړوند مسوول ته وسپارل شول.
نوموړي زیاته کړه، چې په دې خوراکي توکو کې۱۴۵۷۰کیلوګرامه وریجې، ۹۹۲ کیلوګرامه مالګه، ۱۸کیلوګرامه زیره، ۱۲ کیلوګرامه زردچوبه، ۳۱ کیلوګرامه د قورمې مصاله، ۱۶۱۲ کیلوګرامه بوره، ۹۳ کیلوګرامه شین چای او ۳ کیلوګرامه د چای هیل شامل دي.
ښاغلي صاحبزاده وویل، چې یاد خوراکي توکي د کتني پلاوي په شتون کې د لیلیې ډېپو اړوند مسوول ته وسپارل شول
نوموړي ډاډ ورکړ، چې د پوهنتون مسوولینو د خوراکي توکو د لېږد بهیر څخه خوښي څرګنده کړې او د ارزاقو امارتي شرکت له هڅو يې ستاینه کړې ده.
د یادونې وړ ده، چې د خوراکي توکو د لېږد، وېش او څارنې بهیر د ارزاقو امارتي شرکت د ولایتي مدیریتونو له خوا په ټولو ولایتونو کې په دوامداره توګه ارزول کیږي.
