د ارزاقو امارتي شرکت د مدیره پلاوي غونډه جوړه شوه؛
د ارزاقو امارتي شرکت د مدیره پلاوي غونډه نن د یکشنبې په ورځ له غرمې مخکې؛ د ښاغلي حمیدالله عبداللهي د مدیره پلاوي د رئیس په مشرۍ، د اقتصاد او د سوداګرۍ وزارتونو د استازو او د مدیره پلاوي د غړو په شتون او د ارزاقو امارتي شرکت د اجرائیوي رئیس مولوي عبدالرازق رفیع، د دې شرکت د مالي او اداري چارو رئیس مولوي مطیع الله مجروح، د سوداګرۍ پرمختیا رئیس محمد امین صاحبزاده او آمرینو په ګډون د ارزاقو امارتي شرکت د غونډو په تالار کې جوړه شوه.
غونډه د قرآن کریم د مبارکو آیاتونو په تلاوت پیل او ورپسې د ارزاقو امارتي شرکت اجرائیوي رئیس ښاغلي مولوي عبدالرازق رفیع د مديره پلاوي او غړیو ته د ښه راغلاست تر څنګ د یاد شرکت په کړنو، لاسته راوړنو او تر کار لاندي د اساسي اوسوداګریزو پلانونو طرحو او موخو او همدا راز د غونډې اجنډا په اړوند مفصلې خبرې او معلومات وړاندې کړل.
په یاده غونډه کې د اجنډا په اساس د وړاندې شویو موضوع ګانو په اړه د نظر ورکولو او پر وړاندې يې د شته خنډونه دلرې کولو په موخه د مديره پلاوي مشرتابه او د شرکت اجرائیوي رئیس له خوا یو لړ وړاندیزونه، غوښتنې او په چارو کې د پرمختګونو په پار لازمې پرېکړې وشوې.
ورسته د مدیره پلاوي لخوا د غونډې په اجنډا کې درج شوي موارد د تائید وړ وګرځېد او د منظورۍ په وړاندې به د څار کمېټې ته وړاندې شي.
