ارزاقو امارتي شرکت؛ د خوراکي توکو سپما او پانګونې لپاره ښه چانس!
زموږ په هېواد کې د خوراکي توکو سپما یوازې په یوه ډاډمنه او معتبره سرچینه کې کیدلای شي، چې هغه د ارزاقو امارتي شرکت دی، چې دغه شرکت د هېواد په کچه ۳۳ ولایتي نمایندګۍ لري.
د شرکت مسؤلین د بنسټیزو فعالیتونو او سوداګریزو پلانونو پر بنسټ په پام کې لري،تر څو د هېواد کرنیز محصولات له بزګرانو څخه په مناسبو بیو راټول او د شرکت په کندوانو (ګدامونو) کې خوندي او ذخیره کړي.
همدارنګه د شرکت جایدادونه د ډاډمنې پانګونې لپاره یو ښه فرصت دی،چې ملي پانګوال وکولای شي، خپلې پانګونې د افغانستان د آبادۍ او پرمختګ لپاره وکاروي.
د ارزاقو امارتي شرکت جایدادونه د مرکز په ګډون د هېواد په ټولو ولایتونو کې شتون لري، چې پانګوال او ملي سوداګر د ولایتونو او مرکزي دفترسره نږدې د پانګوني په موخه په اړیکو کې شي.
د ارزاقو امارتي شرکت د شغلي فرصت لپاره یو مناسب مرجع هم ګڼل کیږي او په دې توګه د املاکي جایدادونو د پانګونې په برخه کې هم ډېری هېوادوالو ته کاري چانسونه رامنځته کیږي.
راځئ چې خپل ګران هېواد کې پانګونې وکړو، خپل هېواد د ځانبساینې لوري ته روان کړو او هم د ارزاقو امارتي شرکت له فعالیتونو خپل ملاتړ او لا یې بډای کړو.
