د بادغیس ولایت د ارزاقو مدیریت له خوا حضرت خالد ابن ولید عالي دارالعلوم ته ۱۴ قلمه خوراکي توکي واستول شول
د بادغیس ولایت د ارزاقو مدیریت له خوا حضرت خالد ابن ولید عالي دارالعلوم ته ۱۴ قلمه خوراکي توکي واستول شول
د بادغیس ولایت د ارزاقو لوی مدیر محمد یوسفي وایي، چې د تېرې اوونۍ په وروستیو کې د یاد ولایت د پوهنې ریاست اړوند حضرت خالد ابن ولید عالي دارالعلوم ته ۱۴ قلمه خوراکي توکي ولېږدول شول.
نوموړی زیاتوي، چې دغه توکي د غويي یا ثور د میاشتې سهمیه ده، چې په کې وریجې، لوبیا، غوړي، دال او نور اړین خوراکي توکي شامل دي او یاد خوراکي توکي د کتونکي پلاوي په شتون کې د یاد دارالعلوم مسوول ته وسپارل شول.
یوسفي همداراز وایي، چې په بادغیس ولایت کې د ارزاقو امارتي شرکت پروژې په ښه منظم ډول تطبیقېږي او د ارزاقو مدیریت له‌خوا یې دوامداره څارنه او ارزونه ترسره کېږي.
