یوولس قلمه خوراکي توکي د البیروني پوهنتون لیلیې او کادري روغتون ته ولېږدول شول
د کاپیسا ولایت د ارزاقو مدیر فریدون مصلح په خپل رالېږلي معلوماتو کې ویلي، چې نن ورځ یوولس قلمه خوراکي توکي د ارزاقو امارتی شرکت له ګودامونو څخه د البیروني پوهنتون لیلیې او کادري روغتون ته ولېږدول شول او د کتنې پلاوي په شتون کې اړوند مسوول ته وسپارل شول.
د نوموړي په وینا، په دغو خوراکي توکو کې ۵۷۶۰ کیلوګرامه سېله وریجې، ۲۰۲۵ کیلوګرامه مایع غوړي، ۶۰۰ کیلوګرامه بوره، ۵۰۰ کیلوګرامه پلنګي لوبیا، ۲۵ کیلوګرامه خام نخود، ۱۹۲ کیلوګرامه رُب، ۴۰۰ کیلوګرامه د خوړو مالګه، ۷ کیلوګرامه زیره، ۱۵ کیلوګرامه مساله، ۵۰ کیلوګرامه شین چای او ۲ کیلوګرامه هیل شامل دي.
د یادونې وړ ده، چې ارزاقو امارتي شرکت هغو ادارو ته، چې ور سره تړون لري، د خوراکي توکو د لېږد بهیر په ټاکلي وخت او د خپلو ژمنو مطابق ترسره کوي.
