د ارزګان ولایت د ارزاقو مدیریت هڅې وستایل شوې
د ارزګان ولایت د ارزاقو مدیریت فعالیتونه او هڅې د دې ولایت د کار او ټولنیزو چارو ریاست له خوا وستایل شوې.
د ارزګان د ارزاقو مدیریت له خوا په رالېږل شوې خبرپاڼه کې ویل شوي، چې د یاد مدیریت لوی مدیر اخترمحمد شېرزي ته د غوره خدمتونو او چټکو هڅو په پار د کار او ټولنیزو چارو ریاست له خوا ستاینلیک ورکړل شوی دی.
په خبرپاڼه کې زیاته شوې، چې د ارزګان ولایت د ارزاقو مدیریت د کار او ټولنزو چارو ریاست اړوند روزنتون ته د اړینو خوراکي توکو د لېږد چارو مسوولیت په منظم او ښه کیفیت سره ترسره کوي.
خبرپاڼه زیاتوي، چې د یاد مدیریت له لوري د خوراکي توکو د لېږد تر څنګ؛ د پخلي او د خواړو د وېش پروسې څخه هم په دوامداره توګه څارنه او ارزونه ترسره کېږي.
دا په داسې حال کې ده، چې څو موده وړاندې د هېواد په بېلابېلو ولایتونو کې د شرکت ګڼ شمېر مدیریتونه هم د غوره خدمتونو د وړاندې کولو له امله ستایل شوي وو.
