ارزاقو امارتي شرکت بدخشان پوهنتون لیلیې ته ۶ قلمه خوراکي توکي لېږدولي
ارزاقو امارتي شرکت د خپلو بنسټیزو خدمتونو، فعالیتونو او سوداګریز پلان له مخې؛ د بدخشان ولایت د پوهنتون لیلیې ته شپږ قلمه خوراکي توکي لېږدولي دي.
د بدخشان ولایت د ارزاقو مدیر قاري سید فضل الرحمن فضلي خبر ورکوي، چې یاد توکي د کندز ولایت له ګدامونو څخه بار او تېره ورځ د کتونکي پلاوي په شتون کې د پوهنتون اړوند مسوول ته وسپارل شول.
د نوموړي په وینا، په دغو توکو کې؛ ۱۲۰۰۰ کیلوګرامه وریجې، ۶۵۰۰ کیلوګرامه غوړي، ۹۹۰ کیلوګرامه رُب، ۳۳۰ کیلوګرامه خام نخود، ۷ کیلوګرامه د چای هیل او ۵۰ کیلوګرامه شین چای شامل دي.
هېره دې نه وي، چې د خوراکی توکو د لېږد او څارنې بهیر په ټول هیواد کې د ارزاقو امارتي شرکت او په ولایتونو کې د نوموړي شرکت د ولایتي مدیریتونو له خوا په دوامداره توګه ترسره کېږي.
