د ارزاقو امارتي شرکت د ملکیت پر سر د پانګونې اعلان
Publish Date
Closing Date
ارزاقو امارتي شرکت په پام کې لري، چې د عامه او خصوصي مشارکت قانون له مخې؛ د جوزجان ولایت په مرکز شبرغان ښار کې، د خپلې اداري ودانۍ مخې ته پر موقعیت لرونکې ۵۹۰ متره مربع ځمکه باندې یو موټر وینځلو ځای (موټر شویي) او شپږ بابه عصري هټۍ (دوکانونه) جوړ کړي.
اشخاص او شرکتونه، چې په یاد جایداد کې د پانګونې علاقه ولري، نو کولی شي، خپلې طرحې او پروپوزلونه د عامه او خصوصي مشارکت قانون (PPP) له اصولو سره سم؛ د زیاتې پانګونې او لنډمهاله قرارداد پر اساس، د اعلان له نېټې څخه د ۲۸ ورځو په موده کې د ارزاقو امارتي شرکت، چې د کابل ښار په درېیمه ناحیه کې د سیلو ترڅنګ موقعیت لري، د جایدادونو آمریت ته او یا هم د جوزجان ولایت د ارزاقو امارتي شرکت مدیریت ته، چې د شبرغان ښار د سرپل بندر نمایندګۍ سره موقعیت لري وسپاري.
مینه وال کولای شي، شرطپاڼه د ټاکلي او بېرته نه ګرځیدو قیمت په بدل کې تر لاسه کړي. د شرطپاڼې تر اخیستلو وروسته د طرحو د څېړنې او ارزونې له مخې نغدي تضمین هم اخیستل کېږي.
د زیاتو معلوماتو لپاره له لاندې شمېرې سره اړیکه ونیسئ: ۰۲۰-۲۵۱۰۶۴۹
