د ارزاقو امارتي شرکت له لوري د هېواد سړو سیمو پوهنتونونو ته د خوراکي توکو د لیږد چارې پیل شوې؛
د ارزاقو امارتي شرکت ولایتي مدیریتونو له لوري د هېواد په سړو سیمو کې د پوهنتونونو شپه غالو ته د خوراکي توکو د برابرولو او لیږد چارې پیل شوې.
په ولایتونو کې د ارزاقو امارتي شرکت مدیریتونو د شرکت د رهبرۍ پلاوي په هدایت؛ له تیرو دوو ورځو راهیسې پوهنتونونو شپه غالو (لیلیو) ته د خوراکي توکو د لیږد چارې پیل کړي دي.
د ولایتونو د ارزاقو مدیرانو ډاډ څرګند کړی دي، چې دغه چارې د پوهنتونونو د مسوولینو په غوښتنو او همغږۍ په وخت او د خوراکي توکو د ښه کیفیت سره سم ترسره کیږي.
د شرکت مسوولین ډاډ څرګندوي، چې د تېر کال په څېر دا ځل هم د دې شرکت د پروژو د تطبیق ټیم به د اړتیا وړ وچو او تازه خوراکي توکو د برابرولو او لیږدولو چارې د ولایتونو پوهنتونونو ته ترسره کړي.
دا په داسې حال کې ده، چې د ارزاقو امارتي شرکت له لوري د هېواد پوهنتونونو شپه غالو ته د خوراکي توکو د برابرولو او لیږد چارې له تېرو دریو کالو راهیسې پر مخ وړي، چې یاده پروسه د پوهنتونونو شپه غالو مسوولینو ته د خوښۍ او تایید وړ ګرځېدلي دي.
