د بلخ ولایت د ارزاقو لوی مدیر د کار او ټولنیزو چارو ریاست اړوند روزنتون څخه څارنه وکړه؛
د بلخ ولایت د ارزاقو لوی مدیر ښاغلی محمدکاظم مهدي يار وايي، چې وړمه ورځ یې د دغه ولایت د کار او ټولنیزو چارو ریاست اړوند روزنتون څخه څارنه وکړه، چې د دې څارنې پر مهال د روزنتون مسوولین هم شتون درلود.
مهدي یار ډاډ څرګندکړ، چې د روزنتون د لیلیې لپاره د خوراکي توکو برابرول او چمتو کول په ښه او منظم ډول ترسره کیږي او د یاد روزنتون مسوولین د ارزاقو امارتي شرکت له پروژوي چارو خوښ او رضایت لري.
هغه همداراز زیاته کړه، چې دغه شان څارنه د خدماتو د کیفیت په ښه والي او د خوراکي توکو د تمویلونکي شرکت د فعالیتونو په لوړوالي کې مهم او اغېزناک رول لوبوي.
دا په داسې حال کې ده، چې په مرکز او ولایتونو کې د خوراکي توکو د برابرولو او څارنې بهیر د ارزاقو امارتي شرکت له خوا په دوامداره توګه ترسره کیږي.
