د غزني ولایت د ارزاقو لوی مدیر د سلطان محمود غزنوي (رح) روزنتون څخه څارنه وکړه
د غزني ولایت د ارزاقو لوی مدیر قاري عبدالباسط ابوطارق وايي، چې تېره ورځ یې د کار او ټولنیزو چارو ریاست اړوند د سلطان محمود غزنوي (رح) روزنتون څخه څارنه وکړه.
نوموړی زیاتوي، چې څارنه هغه مهال ترسره شوه، چې د روزنتون زدهکوونکو ته د غرمې ډوډۍ وړاندې کېده او د څارنې پر مهال د یاد روزنتون آمر مولوي محمود هم حاضر و.
ابوطارق د خواړو د پخلي له کیفیت څخه خوښي وښوده او څرګنده یې کړه، چې د روزنتون مسوول د ارزاقو امارتي شرکت له خدمتونو څخه رضایت لري.
د ویلو ده، چې په ټولو ولایتونو کې د ارزاقو امارتي شرکت له پروژو څخه دوامداره څارنه او ارزونه ترسره کېږي، ترڅو د خدمتونو کیفیت نور هم ښه او چټک شي.
