د ننګرهار ولایت د ارزاقو لوی مدیر د امام بخاري له روزنتون څخه لیدنه وکړه
د ننګرهار ولایت د ارزاقو لوی مدیر ښاغلی محمدنعمان نادر د ارزاقو امارتي شرکت د پروژو د ښه تطبیق او عملي کولو په موخه نن ورځ د کار او ټولنیزو چارو ریاست اړوند د امام بخاري روزنتون ته ورغی او د یاد روزنتون د زده کوونکو له خوړو څارنه وکړه.
ښاغلی نادر په داسې حال کې له یاد روزنتون څخه څار او لیدنه وکړه، چې په دې وخت کې د روزنتون زده کوونکو ته د غرمې پخلی او د ډوډۍ وېش لړۍ روانه وه.
د ننګرهار د ارزاقو مدیر وايي، چې په دې څارنه کې د روزنتون مسوولین هم شتون درلود او د ارزاقو امارتي شرکت د پروژو د ښه تطبیق په اړه یې ډاډ څرګند کړ. ښاغلي نادر وویل: تر دې دمه د ننګرهار ولایت اړوند روزنتون د پروژې په پلي کولو کې کوم خنډ او ځنډ نه دی رامنځته شوی او د روزنتون مسوولین د ارزاقو امارتي شرکت د پروژوي چارو خوښ دي.
ښاغلی نادر همدارنګه زیاته کړه؛ د ارزاقو امارتي شرکت د موجودو پروژو تطبیق او عملي کول په دې ولایت کې د مدیریت تر څارنې لاندې پر مخ ځي، چې په دې پروژو کې د خوراکي توکو لېږد او اکمالول شامل دي.
د یادو وړ ده، چې په یاد روزنتون کې کابو ۳۴۰ تنه بې سرپرست ماشومان په زده کړو بوخت دي.
