د ارزاقو امارتي شرکت له لوري کونړ ولایت سیدجمال الدین افغان پوهنتون ته ۱۰ قلمه اړین خوراکي توکي ولېږدول شول؛
د ارزاقو امارتي شرکت د پروژو د تطبیق مسوولان وايي، چې وړمه ورځ یې د کونړ ولایت سیدجمال الدین افغان پوهنتون شپه غالي (لیلې) ته لس قلمه اړین خوراکي توکي ولېږدول شول.
د ارزاقو امارتي شرکت د پروژو د تطبیق مسوولان زیاتوي، چې په دغو خوراکي توکو کې ۴۵۰۰ کیلو ګرامه وريځې، ۱۷۴۰ لېټره مایع غوړي، ۱۰۰۰ کیلو ګرامه لوبیا، ۴۰۰ کیلو ګرامه مالګه، ۶۰۰ کیلو ګرامه بوره، ۴۰ کیلو ګرامه شین چای، ۲۵۰ کیلو ګرامه اومه نخود، ۱۵ کیلو ګرامه زيره، ۲۰ کیلو ګرامه د دیګ مساله او ۲ کیلو ګرامه هیل شامل دي.
د پروژو د تطبیق د مسوولانو په خبره؛ یاد خوراکي توکي د یوه میاشتې (وري یا حمل) چې د پوهنتون د غوښتنې او اړتیا پوره کولو په اساس انتقال او د پوهنتون اړوند مسوول ته تسلیم شول.
پاتې دې نه وي، چې د تازه خوراکي توکو د لېږد چارې په ورځنۍ توګه د هېواد پوهنتونونو، روزنتونونو، دارالعلومونو او روغتونونو ته د ارزاقو امارتي شرکت لخوا ترسره کېږي.
