د لوګر پوهنتون لیلیې او د نایب امین الله خان لوګري ۳۰۰ بستریز روغتون ته خوراکي توکي ولېږدول شول
د لوګر ولایت د ارزاقو مدیر انجنیر محمد نعیم حبیبي په رالیږلي خبر کې ویلي، چې وړمه ورځ د لوګر پوهنتون لیلیې او د نایب امین الله خان لوګري ۳۰۰ بستریز روغتون ته د اړتیا وړ خوراکي توکي لېږدولي دي.
د هغه په وینا؛ د لوګر پوهنتون لیلیې ته ۱۳ قلمه او د نایب امین الله خان لوګري ۳۰۰ بستریز روغتون ته ۶ قلمه خوراکي توکي د کتنې پلاوي په شتون کې وسپارل شول.
حبیبي زیاته کړې، په لېږدول شوو توکو کې وریجې، غوړي، لوبیا، مالګه، بوره، رُب، چای، زیره، د دیګ مساله او نور لومړني د اړتیا وړ مواد شامل دي.
نوموړي وايي، چې د خوراکي توکو د لېږد او څارنې بهیر د دې ادارې له لوري په دوامداره توګه ترسره کېږي.
د ویلو ده، چې ارزاقو امارتي شرکت د خپلو بنسټیزو فعالیتونو په دوام؛ د هېواد د پوهنتونونو لیلیو او نورو ادارو سره د شویو تړونونو له مخې، خوراکي توکي په منظم ډول لېږدوي.
