د کابل پوهنتون امام بخاري (رح) لیلیې ته یوولس قلمه خوراکي توکي ولېږدول شول
ارزاقو امارتي شرکت د خپلو بنسټیزو فعالیتونو او سوداګریز پلان له مخې؛ تېره ورځ یوولس قلمه خوراکي توکي د کابل پوهنتون امام بخاري (رح) لیلیې ته لیږدولي دي.
د ارزاقو امارتي شرکت د پروژو د تطبیق آمر جان محمد عمري وویل، چې دغه د اړتیا وړ خوراکي توکي د کتنې پلاوي په شتون کې د یاد پوهنتون لیلیې اړوند مسوول ته وسپارل شول.
نوموړي زیاته کړه، چې په یادو خوراکي توکو کې؛ ۹۶۰۰ کیلوګرامه وریجې، ۲۷۰۰ کیلوګرامه مایع غوړي، ۷۰۰ کیلوګرامه لوبیا، ۱۲۵ کیلوګرامه خام نخود،۶۰۰ کیلوګرامه د خواړو مالګه، ۱۰۵۰ کیلوګرامه بوره، ۶۰ کیلوګرامه شین چای، ۱۵ کیلوګرامه زیره، ۳ کیلوګرامه د چای هیل، ۲۰کیلوګرامه د دیګ مساله او ۱۵کیلوګرامه زردچوبه شامل دي.
