د پکتیا پوهنتون د استادانو لیلیې لپاره ۱۱ قلمه خوراکي توکي ولېږدول شول
د پکتیا ولایت د ارزاقو امارتي شرکت ولایتي مدیر مولوي دین محمد حماس وايي، چې نن ورځ یې ۱۱ قلمه خوراکي توکي د پکتیا پوهنتون د استادانو لیلیې لپاره لېږدولي دي. نوموړی زیاتوي، چې دغه خوراکي توکي د ارزاقو د مسوولینو لهخوا د پوهنتون د کتني پلاوي په شتون کې تسلیم شول.
حماس وویل، چې په یادو خوراکي توکو کې ۱۹۹۲ کیلوګرامه وريجی ، ۱۸۰ کیلوګرامه لوبیا، ۵۵۰ کیلوګرامه غوړي، ۲۰۰ کیلوګرامه بوره، ۷۲ کیلوګرامه رُب،۵۰ کیلوګرامه اومه نخود، ۱۳ کیلوګرامه شین چای، ۵ کیلوګرامه د دیګ مصاله، ۲ کیلوګرامه زردچوبه، ۳ کیلوګرامه زیره او نیم کیلوګرامه دچای هیل شامل دي.
مولوي حماس څرګنده کړه، چې دغه خوراکي توکي د اړتیاوو پر بنسټ برابر او د استادانو لیلیې ته لېږدول شوي دي. هغه زیاته کړه، چې د یادو توکو د برابرولو پروژه وړمه ورځ د ارزاقو مدیریت له لوري پیل شوې ده.
