ارزاقو امارتي شرکت د البیروني پوهنتون لیلیې ته ۵ قلمه خوراکي توکي ولېږدول
ارزاقو امارتي شرکت د خپلو بنسټیزو فعالیتونو او سوداګریز پلان له مخې؛ د کاپیسا ولایت البیروني پوهنتون لیلیې ته د اړتیا وړ پنځه قلمه خوراکي توکي لېږدولي دي.
د کاپیسا ولایت د ارزاقو مدیر قاري فریدون مصلح وویل، چې دغه توکي د وري میاشتې د اړتیاوو د پوره کولو په موخه برابر او د کتنې پلاوي په شتون کې اړوند مسوول ته وسپارل شول.
نوموړي زیاته کړه، په لېږدول شویو توکو کې؛ ۲۵۰ کیلوګرامه لوبیا، ۳۰۰ کیلوګرامه بوره، ۱۰ کیلوګرامه د دیګ مساله، ۲۰۰ کیلوګرامه د خوړو مالګه او ۹۶ کیلوګرامه رُب شامل دي.
