د ارزاقو امارتي شرکت اداري غونډه جوړه شوه؛
په چارو کې پرمختګونه، د ستونزو د له منځه وړلو او د شرکت د غوره فعالیتونو په اړه د چهارشنبې په ورځ اداري غونډه جوړه شوه، چې مشري يې د ارزاقو امارتي شرکت اجراٸيوي رييس ښاغلي مولوي عبدالرازق رفيع کوله.
په دې اونيزه غونډه کې د مالي او اداري چارو رييس په کډون د نوموړي شرکت آمرينو او مديرانو ګډون کړى وو.
غونډه د سپيڅلي قران په څو مبارکو آياتونو پيل شوه. وروسته بيا د اجنډا له مخې د تېرې غونډې او د اداري چارو پر فعاليتونو او لاسته راغلو نتايجو خبرې او يوه ځغلنده ارزونه وشوه.
په غونډه کې د مالي او اداري، تدارکاتو، سوداګريزو پرمختيا، پلان او پاليسي، د پروژو د تطبیق، د کارکوونکو چارو آمرينو او مديرانو په ترتيب سره خپل نظرونه د غونډې له برخوالو سره شريک او د چارو د پرمختګ په برخه کې هم يو لړ وړانديزونه د شرکت مشرتابه ته وړاندې شول.
د ارزاقو امارتي شرکت اجراٸيوي رييس مولوي عبدالرازق رفيع ټولو کارکوونکو ته په چارو کې د لاپرمختګ یادونه وکړه. وې ویل، چې د مسووليتونو د اداينې ترڅنګ دې هڅه وشي، چې د شرکت بنسټيز خدمتونه او چوپړتیاوې د ولس د خوښۍ او رضایت سبب وګرځي او په دې یون کې موږ وکولای شو، خپل مقصود ته ځان ورسا و.
همدارنګه ښاغلي رفيع د راتلونکي کال د کاري پلان په څرنګوالي باندې هم خبرې وکړې زياته يې کړه، چې ټول په ګډه توګه د نوښتونو په رامنځته کېدو او د ارزاقو شرکت د پرمختګ په موخه اغيزمنو طرحو باندې کار وکړو.
د غونډه په پاى کې د شرکت مشرتابه لخوا يو لړ پرېکړې، غوښتنې او وړانديزونه وشول، چې د شرکت اړوند مسوولینو له لوري د ترسره کولو ډاډ ورکړل شو.
