د ارزاقو امارتي شرکت د اجرائيوي کمېټې نوبتي غونډه جوړه شوه
د ارزاقو امارتي شرکت د اجرايوي کمېټې نوبتي غونډه د شرکت د غونډو په خونه کې جوړه شوه، چې دیادې غونډې مشري د شرکت اجرايوي رييس مولوي عبدالرازق رفيع کوله.
په دې غونډه کې د مالي او اداري چارو رييس مولوي مطیعالله مجروح، د سوداګریزو چارو ریيس محمدامين صاحب زاده او د شرکت اړوند بېلابېلو برخو آمرينو او مديرانو ګډون کړی و.
غونډه د قرآنکریم د څو مبارکو آیتونو په تلاوت سره پیل شوه. تر اجنډا وړاندې کولو مخکې اجرائیوي رییس مولوي عبدالرازق رفیع د کار د کیفیت لوړوالي، پرمختګ او اغېزناکو اجرااتو په اړه یو لړ مهم موضوعات له ګډونوالو سره شریک کړل او د چټکو او مؤثرو کړنو د ترسره کولو سپارښتنې یې هم وړاندې کړې.
ورپسې، د مالي، تدارکاتو، املاکو او خدماتو آمرینو خپل اړوند کاري راپورونه او موضوعات، چې د غونډې اجنډا کې ځای ورکړل شوي و، غونډې ته وړاندې او په اړه یې هر اړخیز او ژور بحث وشو.
غونډه د شرکت د لا ښه والي، پرمختګ، د خدمتونو د بهیر د چټکتیا او شته ستونزو د حل په موخه د یو لړ پرېکړو له نیولو وروسته د دعا په لوستلو پای ته ورسېده.
