د ارزاقو امارتي شرکت د اجرائیوي کمیټې غونډه؛

د ارزاقو امارتي شرکت د اجرائیوي کمیټې غونډه د ارزاقو دولتي شرکت د اجرائیوي رئیس محترم مولوي عبدالرازق رفیع په مشرۍ د دغه شرکت په مرکزي دفتر کې جوړه شوه.

په دې غونډه کې چې د یاد شرکت مالي او اداري چارو رئیس ښاغلي مولوي مطیع الله مجروح، د تجارتي چارو رئیس ښاغلي محمد امین صاحب زاده او د شرکت نورو آمرین او مدیرانو هم حضور درلود، د شرکت د رهبرۍ، څارنې او ارزونې په اړه د شرکت د اړوندو مسوولینو په استازیتوب مفصل راپور وړاندې کړ. ورپسې د څانګو مسوولینو هم د خپلو دندو په اړه لازم توضیحات ورکړل.

د ارزاقو امارتي شرکت اجرائيوي رئیس د مدیریتونو د کاري راپور د اورېدو پرمهال د چارو د پرمخ بیولو په برخه کې له ترسره شویو هڅو مننه وکړه. دغه راز په ياده شوې غونډه کې د غونډې له اجنډا سره سم د اړوندو څانګو له لوري د پرمختګ او کاري وړانديزونه وړاندې شول. د ارزاقو امارتي شرکت اجرائیوي رئیس د یاد شرکت کارکوونکو ته د ورسپارل شویو دندو د ترسره کولو لپاره لازمې لارښوونې وکړې.