د بادغیس ولایت د ارزاقو مدیریت هڅې وستایل شوې
په بادغيس ولايت کې د ارزاقو امارتي شرکت د ولايتي مدير ښاغلي محمد"يوسفي" کړنې د کار او ټولنيزو چارو رياست له لوري وستايل شوې.
د ارزاقو امارتي شرکت د خپلو بنسټيزو فعاليتونو او سوداګريز پلان له مخې؛ بادغيس ولايت کې د کار او ټولنيزو چارو رياست اړوند روزنتون ليليې ته د اړتيا وړ خوراکي توکي د لېږد چارې پر وخت او لوړ کيفيت ترسره کړي دي.
په همدې موخه د کار او ټولنيز و چارو رياست د ارزاقو ولايتي مدير هڅې او هلې ځلې په ستاينليک کې د قدر وړ بللي او په راتلونکې کې د لازياتو برياوو هیله یې د لايزال څښتن تعالى له درباره کړې ده.
د یادونې وړ ده، چې تر دې وړاندې هم د ارزاقو امارتي شرکت فعالیتونه په مرکز او بېلابېلو ولایتونو کې د ګڼو ادارو له خوا ستایل شوي، چې دا د شرکت د بریاوو او پرمختګ څرګند نښه ګڼل کېږي.
