لغمان ولایت پوهنتون ته ۹ قلمه خوراکي توکي ولیږدول شول؛
د ارزاقو امارتي شرکت د پروژو د تطبیق مسوولین وايي، چې وړمه ورځ د لغمان ولایت پوهنتون ته ۹ قلمه خوراکي توکي ولیږدول شول.
دوی زیاته وي، چې په یادو خوراکي توکو کې ۲۵۴۹کیلو ګرامه وریځې، ۷۰۵ لیتره غوړي،۵۹ کیلو ګرامه اومه نخود، ۱۴کیلو ګرامه شین چای، ۲۸۲ کیلو ګرامه سپینه میده بوره، ۱۷۳کیلوګرامه مالګه، ۵ کیلوګرامه د دیک مساله،۲کیلو ګرامه زرچوبه او ۳کیلو ګرامه زیره شامل دي.
د پروژو د تطبیق چارو کارکوونکی محمدیوسف وویل، چې یاد خوراکي توکي د دواړو لوري د کتنې پلاوو په شتون کې د لغمان ولایت پوهنتون اړوند مسوول ته تسلیم شول.
دغه راز د پروژو د تطبیق چارو کارکوونکی محمدیوسف وايي، چې د لغمان پوهنتون اداري پلاوی د ارزاقو امارتي شرکت له پروژوي چارو خوښ او د خوراکي توکو له کمیت او کیفیت رضایت لري.
دیادونې وړ ده، چې د تېر کال په څېر ارزاقو امارتي شرکت د خپلو بنسټیزو فعالیتونو له مخې؛ د هېواد ګڼو پوهنتونونو ته د خوراکي توکو د لیږد چارې پیل کړې دي.
