د ارزاقو امارتي شرکت اونیزه اداري غونډه جوړه شوه؛
په کاري برخو کې پرمختګ، د ستونزو د حل، د شرکت د غوره فعالیتونو او چوپړتیاوو د وړاندې کولو په موخه اداري غونډه جوړه شوه، چې مشري يې د ارزاقو امارتي شرکت اجراٸيوي ریيس ښاغلي مولوي عبدالرازق رفيع کوله.
په دې غونډه کې د ارزاقو امارتي شرکت مالي او اداري چارو رييس مولوي مطیع الله مجروح او د سوداکریزو چارو د پرمختیا رییس محمدامین صاحبزاده په کډون؛ د نوموړي شرکت آمرينو او مديرانو هم ګډون کړى وو.
غونډه د سپيڅلي قرآن په څو مبارکو آیتونو سره پیل شوه. وروسته د تېرې غونډې او د اداري چارو پر فعالیتونو او لاسته راغلو نتايجو خبرې وشوې.
په غونډه کې د مالي، سوداګريزو پرمختيا، د پروژو د تطبیق، د املاکو، د کارکوونکو چارو آمرينو او مديرانو په ترتيب سره خپل راپورونه، نظرونه د غونډې له برخوالو سره شريک او د چارو د پرمختګ په برخه کې يو لړ وړانديزونه د شرکت مشرتابه ته وړاندې شول.
د ارزاقو امارتي شرکت اجراٸيوي رییس مولوي عبدالرازق رفيع ټولو کارکوونکو ته په چارو کې د لا پرمختګ غوښتنه وکړه. هغه زیاته کړه، چې د شرکت د بنسټیزو خدماتو او چوپړتیاو د وړاندې کولو ترڅنګ د روڼتیا رامنځته کول او ولس ته د شرکت چارې د خوښۍ وړ ګرځول زموږ له موخو څخه دي.
همدارنګه ښاغلي رفيع د راتلونکي کال د کاري پلان او فعالیتونو په څرنګوالي مفصلې خبرې هم وکړې.
په یاده غونډه کې د شرکت اداري چارو پر آسانتیاوو او مراجعینو ته د سهولتونو په رامنځته کولو یو لړ پرېکړې، غوښتنې او وړاندیزونه وشول.
غونډه د مالي او اداري چارو د رییس مولوي مطیع الله مجروح په دعایي لوستلو پای ته ورسېده.
