د خیرخانې لومړۍ نمبر وړکتون ته ۷ قلمه خوراکي توکي ولېږدول شول
د ارزاقو امارتي شرکت د پروژو د تطبیق مسوول جانمحمد عمري وايي، چې د تېرې اونۍ په وروستۍ ورځ یې اوه قلمه خوراکي توکي د وړکتونونو ریاست اړوند د خیرخانې لومړۍ نمبر وړکتون ته لېږدولي دي.
نوموړي زیاتوي، چې په یادو خوراکی توکو کې ۱۲۰۰۰ کیلوګرامه وریجې،۷۰۲۰ کیلوګرامه غوړي، ۴۷۵۰ کیلوګرامه پوډري او غوړ لرونکي شیدې، ۵۰۰ کیلوګرامه د خواړو مالګه، ۴۰۰۰ کیلوګرامه بوره، ۷۰۲۰ کیلوګرامه کانفلور او ۵۰۰ کیلوګرامه پېښوري دال شامل دي.
عمري څرګندوي، چې پورتني خوراکي توکي د یاد وړکتون اړوند مسوول ته سپارلي او د ارزاقو امارتي شرکت له خدمتونو څخه خوښي ښودلې ده.
هېره دې نه وي، چې ارزاقو امارتي شرکت د خپلو بنسټیزو فعالیتونو، سوداګریز پلان او د ۱۴۰۴ مالي کال پلان پر بنسټ؛ خپلې چارې په منظم ډول پر مخ وړي او دا مهال د هېواد په کچه غوره، منظم او باکیفیته خدمتونه وړاندې کوي.
