د مزایدې خبرتیا

 په پروان ولایت کې د ارزاقو امارتي شرکت پورې اړوند درې بابه د هټیو ګدامونه او د ۸۳۱۰ متر مربع ځمکې ساحه، چې د چاریکار ښار د څلورمې ناحیې په سیمه کې د ښاروالۍ مارکیټ مخې ته موقعیت لري، د سید عبدالولي په نوم یو تن هېوادوال غوښتنه کړې ده، چې یاد جایداد د درېیو کلونو لپاره په میاشتني ډول ۶۰۰۰۰ افغانیو کرایه ونیسي.

هغه اشخاص او شرکتونه، چې د ګډون شرایط پوره کولای شي، یاد جایداد ته اړتیا او د لوړې کرایې ورکولو وړتیا ولري، کولای شي، د دې خبرتیا د خپرېدو له نېټې څخه تر (۷) ورځو پورې خپل غوښتنلیکونه د پروان ولایت د ارزاقو لوی مدیریت ته، چې د چاریکار ښار د کابل بندر ترڅنګ موقعیت لري وسپاري.

همدارنګه، غوښتونکي د مزایدې په ټاکلې ورځ حاضر واوسي، شرطپاڼه د ټاکلې بیې په بدل کې ترلاسه او تضمین به په نغدي ډول اخیستل کېږي.

غوښتونکي کولای شي، د لا زیاتو معلوماتو لپاره د پروان ولایت د ارزاقو لوی مدیریت سره د لاندې شمېرې له لارې اړیکه ونیسئ: ۰۷۷۱۰۰۲۶۱۰