د ارزاقو امارتي شرکت د تیر کال مهمې لاسته راوړنې؛
ارزاقو امارتي شرکت تېر کال له څلورو وزارتونو( لوړو زده کړو، پوهنې، کار او ټولنیزو چارو او عامې روغتیا) سره د خوراکي توکو د برابرولو او لېږد قراردادونه ترسره کړي، چې ټولیز ارزښت یې ۱.۸ میلیارده افغانیو ته رسېږي.
همداراز ارزاقو امارتي شرکت د خپلو شته وو جایدادونو له ډلې څخه یو شمېر ګدامونه فعال کړي، چې اوس مهال ترې عملي ګټه اخیستل کېږي.
یادې څرګندونې د امارتي شرکتونو د لوی رییس مولوي احمدجان بلال له خوا د حکومت د رسنیو په مرکز کې د امارتي شرکتونو د یو کلنو لاسته راوړنو د تشرېح پروګرام پر مهال وکړې.
په دغه پروګرام کې د ارزاقو امارتي شرکت اجرائیوي رییس مولوي عبدالرازق رفیع هم ګډون درلود.
