خبرتیا؛

ارزاقو امارتي شرکت د خپلې اساسنامې له مخې، د خوراکي توکو د پېر، پلور او  زیرمه کولو او همدارنګه د ادارو/ وزارتونو ته د خوراکي توکو د لېږد په برخه کې مسوولیت لري. اوسمهال د هېواد په ځینو ولایتونو کې د امارتي پوهنتونونو او ځیني روغتونونو لپاره خوراکي توکو پېرلو ته اړتیا لري.

ټول هغه لوجستیکي او سوداګریز شرکتونه، چې په مرکز او ولایتونو کې فعالیت کوي او په یاده برخه کې تجربه او د مالي ورکړو توان ولري کولای شي، چې د ارزاقو امارتي شرکت، چې د پلازمینې کابل، درېیمه ناحیه، د مرکزي سیلو ترڅنګ موقعیت لري، له ۱۵ د شعبان المعظم ۱۴۴۷سپوږمیز، چې د ۱۴ د سلواغې یا د لوې ۱۴۰۴لمریز سره سمون لري، تر  ۲۲ د رمضان المبارک ۱۴۴۷ سپوږمیز – ۲۱ د کب یا حوت ۱۴۰۴ لمریز نېټې پورې د خپلو شرکتونو د ثبت او راجستر لپاره مراجعه وکړي، ترڅو د یادو مواردو په تدارکاتي پړاونو کې د ثبت او راجستر شوي شرکتونو د ګډون لپاره آسانتیاوې رامنځته شي.

د لازیاتو معلوماتو لپاره لاندې شمېرې سره اړیکه  نیول شئ.

2510648-020 -  0701018250