د زابل پوهنتون لیلیې ته ۱۱ قلمه خوراکي توکي ولېږدول شول
د زابل ولایت د ارزاقو مدیر عبدالمالک مصلح په رالېږلي خبر کې ویلي، چې نن یې د میرویس خان نیکه پوهنتون لیلیې ته ۱۱ قلمه خوراکي توکي لېږدولي دي.
د نوموړي په وینا؛ دغه خوراکي توکي د کتني پلاوي په شتون کې د پوهنتون اړوند مسوول ته وسپارل شول.
مصلح زیاته کړه، په لېږدول شویو توکو کې؛ ۶۵۱ کیلوګرامه وریجې، ۲۴۹ کیلوګرامه غوړي، ۶۷ کیلوګرامه لوبیا، ۸ کیلوګرامه نخود، ۴.۸۶ کیلوګرامه شین چای، ۰.۲۶۱کیلوګرامه د چای هیل، ۸۱ کیلوګرامه بوره، ۰.۹۴۵ کیلوګرامه زیره، ۱.۶۲ کیلوګرامه د دیګ مساله، ۲۹.۴ کیلوګرامه رُب او ۵۲ کیلوګرامه مالګه شامل دي.
