د ارزاقو امارتي شرکت له خوا د افغان اندونيزيا دوستي روغتون ته خوراکي توکي ولېږدول شو
د ارزاقو امارتي شرکت د سږني منظور شوي بنسټيز پلان او سوداګريز فعاليتونو له مخې، د پلازمينې کابل په ګډون د هېواد د ولايتونو د پوهنتونونو شپه غالو، روغتيايي او ښوونيزو مرکزونو او ځيني دولتي ادارو سره د خوراکي او نور اړتيا وړ توکو تړونونه کړي.
د دغو تړونونو له مخې تېره اونۍ د افغان اندونيزيا دوستي روغتون ته بېلابېل لس قلمه خوراکي توکي چې په کې مايع غوړي، شين چاى، بوره، مالګه، وريځي، لوبيا، وچې شيدې، د روميو رب، د ديګ څلور مساله او نخود شامل دي، د پروژو د پلي کېدو آمريت لخوا ولېږدول شو او د نوموړي روغتون اړونده مسوول ته تسليم شو.
د ياد شويو خوراکي توکو ټولټال ٤٠٠٠ کيلو ګرام وزن درلودنکي بار دى، چې په مياشت کې يوځل نوموړي روغتون ته د ارزاقو امارتي شرکت لخوا چمتو او اکماليږي.
په همدې توګه د تړون له مخې، وچه ډوډۍ، ترکاري باب، غوښه او نور د اړتيا وړ توکي په ورځنۍ توګه د ارزاقو امارتي شرکت د پروژو د پلي کيدونکو کاري ټيم لخوا برابر او لېږدول کېږي.
#دنشراتومديريت
