د بادغیس ولایت د ارزاقو لوی مدیر له روزنتون څخه څارنه وکړه؛
د بادغیس ولایت د ارزاقو لوی مدیر محمد یوسفي وړمه ورځ د کار او ټولنیزو چارو اړوند روزنتون زده کوونکو ته د پخلي او ډوډۍ د برابرولو او وېش پر مهال څارنه وکړه. هغه څرګنده کړه، چې د ارزاقو مدیریت له مهمو مسوولیتونو یو هم د پروژو ښه تطبیق، په کاري برخو کې د خلاوو ډکول او څارنه ده، چې دا کار د ادارو د رضایت او پرمختګ لامل ګرځي.
محمد یوسفي زیاته کړه چې د بادغیس ولایت د ارزاقو امارتي شرکت له پروژو څارنه او بررسي کیږي، ترڅو د پروژو تطبیق په سمه توګه ترسره شي او هېڅ ستونزه رامنځته نشي.
هغه ډاډ څرګند کړ، چې د بادغیس ولایت د کار او ټولنیزو چارو روزنتون ته د اړتیا وړ خوراکي توکي پر وخت او غوره کیفیت سره ورسوي.
د یادونې وړ ده چې د ارزاقو امارتي شرکت د خپلو بنسټیزو فعالیتونو له مخې، دولتي او نادولتي ادارو ته د اړتیا وړ خوراکي توکي د برابرولو او لیږد پروژه پر مخ وړي. په دې پروژه کې د بادغیس ولایت روزنتون په ګډون د هېواد ټول روزنتونونه هم شامل دي.
