د لغمان ولایت پوهنتون ته ۱۱ قلمه خوراکي توکي ولېږدول شول
د لغمان ولایت د ارزاقو مدير وایي، چې ۱۱ قلمه خوراکي توکي د پل څرخي له ګدامونو څخه بار او د دې ولایت پوهنتون ته ولېږدول شول.
د لغمان د ارزاقو مدير زیاتوي، چې په یادو خوراکي توکو کې ۳۳۸۹ کیلوګرامه وریجې، ۹۲۷ کیلوګرامه غوړي، ۳۷۳ کیلوګرامه بوره، ۴۲۲ کیلوګرامه لوبیا، ۲۲ کیلوګرامه شین چای، ۶۳ کیلوګرامه نخود، ۲۰۹ کیلوګرامه مالګه، ۶.۵ کیلوګرامه د دیګ مصاله، ۱.۵ کیلوګرامه زردچوبه، ۰.۵کیلوګرامه د چای هیل او ۲.۷ کیلوګرامه زیره شامل دي.
د ارزاقو د مدير په وینا؛ دغه توکي د کتنې پلاوي تر څار لاندې د ارزاقو لوی مدیریت له خوا د پوهنتون اړوند مسوول ته وسپارل شول.
