سرپل ولایت کې د ارزاقو امارتي شرکت چارې وستایل شوې؛
د تېرو ستاینو په لړ کې د ا ځل په سرپل ولايت کې د ارزاقو امارتي شرکت له کړنو او فعاليتونو ستاينه شوې.
د سرپل ولایت د عامې روغتیا ریاست له لوري د ارزاقو ولايتي مدیر ښاغلي فضل امېد ته چې پر وخت او ښه کیفیت د یاد ولایت حوزوي او د معتادینو روغتون لپاره د خوراکي توکو د برابرولو او لیږد چارې تر سره کړي، ستاینه شوې ده.
په دې ستاينلیک کې نه یوازې د ولايتي مسوول له کارونو یادونه شوې؛ بلکې د ارزاقو امارتي شرکت د مسوولینو هلې ځلې نه ستړي کېدونکي یادې شوې دي. همداراز په راتلونکي کې د شرکت ټولو کارکوونکو ته د لا زیاتو بریاوو غوښتنه هم شوې ده.په ستاينليک کې د ارزاقو امارتي شرکت کړنې او فعالیتونه د ډاډمنو او بریمنو چارو په توګه یاد شوي دي.
دا په داسې حال کې ده،چې د څو پر له پسې مودو راپه دېخوا د ارزاقو امارتي شرکت چارې د بېلابېلو دولتي او نورو خصوصي ادارو له لوري ستایل کېږي .
د نشراتو مدیریت
