یولس قلمه خوراکي توکي د پنجشیر پوهنتون ليليې ته ولېږدول شول
د ارزاقو امارتي شرکت د خپلو بنسټیزو فعالیتونو، سوداګریزو پلانونو او د روان مالي کال د منظور شوي پلان له مخې؛ د تېرې اوونۍ په وروستیو کې ۱۱ قلمه خوراکي توکي د پل څرخي له ګدامونو څخه بار او د پنجشېر ولایت پوهنتون لیلیې ته ولېږدول شول.
د ارزاقو امارتي شرکت د پروژو د تطبیق مسوولین وايي، چې په دغو خوراکي توکو کې؛
- ۲۳۳۱ کيلوګرامه وريجې
- ۶۴۵ کيلوګرامه غوړي
- ۲۱۱ کيلوګرامه لوبيا
- ۲۵۸کيلوګرامه بوره
- ۱۵۹ کيلوګرامه د خواړو مالګه
- ۷۹ کيلوګرامه رُب
- ۱۵ کيلوګرامه شين چاى
- ۵ کيلوګرامه د ديګ مساله
- ۳ کیلوګرامه زيره
- ۲ کیلوګرامه زردچوبه
- ۵۰۰ ګرامه د چاى هيل شامل دي.
د پروژو د تطبیق مسوولین زیاتوي، چې یاد خوراکي توکي د پنجشیر پوهنتون لیلیې د اړتیاوو د پوره کولو په موخه برابر او د کتنې پلاوي په شتون کې د لیلیې اړوند مسوول ته وسپارل شول.
د یادونې وړ ده، چې د خوراکي توکو د لېږد، وېش او څارنې بهیر د ارزاقو امارتي شرکت د ولایتي مدیریتونو له خوا په ټولو ولایتونو کې په دوامداره توګه ارزول کېږي.
