د ارزاقو امارتي شرکت له خوا ۱۱قلمه خوراکي توکي د باميانو پوهنتون ليليې ته ولېږدول شول
د ارزاقو امارتي شرکت د خپلو بنسټیزو فعالیتونو، سوداګریزو پلانونو او د روان مالي کال د منظور شوي پلان له مخې؛ د بامیانو پوهنتون د استادانو لیلیې ته ۱۱ قلمه خوراکي توکي د دې ولایت د ارزاقو مدیریت له خوا ولېږدول شول.
د باميانو ولايت د ارزاقو لوى مدير زمرى لعلى وايي، چې په يادو خوراکي توکو کې ٤٢٧ کيلوګرامه وريجې، ١١٨ کيلوګرامه غوړي،٤٠ کيلوګرامه لوبيا، ٢٩ کيلوګرامه مالګه، ٤٧ کيلوګرامه بوره، ٧ کيلوګرامه نخود، ٣ کيلوګرامه شين چاى، ١ کيلوګرامه د ديګ مصاله، ٥٤٦ ګرامه زيره، ٣٦٤ ګرامه زردچوبه او ٩١ ګرامه د چاى هيل شامل دي.
نوموړی زیاتوي، چې دغه خوراکي توکي د څه باندې یوې میاشتې د لیلیې د اړتیاوو د پوره کولو لپاره برابر او د کتنې پلاوي په شتون کې د یاد پوهنتون د لیلیې اړوند مسوول ته وسپارل شول.
د یادونې وړ ده، چې تازه خوراکي توکي (میوه او ترکاري) په ورځنۍ توګه د پوهنتون لیلیې او نورو هغو ادارو ته، چې له دې شرکت سره تړون لري لېږدول کېږي.
