د بامیانو ولایت د ارزاقو مدیریت له لوري اته قلمه خوراکي توکي د ورس ولسوالۍ روزنتون ته ولېږدول شول
د بامیانو ولایت د ارزاقو لوی مدیر زمری لعلی وایي، چې وړمه ورځ یې اته قلمه خوراکي توکي د ورس ولسوالۍ روزنتون ته ولېږدول.
نوموړی زیاتوي، چې په دې خوراکي توکو کې ۳۸۷ کیلوګرامه وریجې، ۱۴۰ کیلوګرامه غوړي، ۹۳ کیلوګرامه لوبیا، ۴۳ کیلوګرامه رُب، ۱۹ کیلوګرامه شین چای، ۵۸ کیلوګرامه بوره، ۲۵ کیلوګرامه مالګه او ۳۶ کیلوګرامه وچې شیدې شاملې دي، چې یاد خوراکي توکي د کتنې پلاوي په شتون کې د روزنتون اړوند مسوول ته تسلیم شول.
همداراز د ارزاقو مدیر وایي، چې د یادو خوراکي توکو ترڅنګ یې ۳۱۰ کیلوګرامه اوبل ګاز هم لېږدولي دي.
لعلي ډاډ څرګند کړ، چې د بامیانو ولایت د ورس ولسوالۍ د کار او ټولنیزو چارو اړوند روزنتون مسوولین د خوراکي توکو د لېږد له پروسې خوښي څرګندوي او د دې شرکت له خدمتونو تود هرکلی کوي.
د یادونې وړ ده، چې د خوراکي توکو د لېږد، وېش او څارنې بهیر د ارزاقو امارتي شرکت د ولایتي مدیریتونو لهخوا په ټولو ولایتونو کې په دوامداره توګه ارزول کېږي.
