د ارزاقو امارتي شرکت اجرائیوي رییس د مخابراتو او معلوماتي ټکنالوژۍ له وزیر سره وکتل
د ارزاقو امارتي شرکت اجرائیوي رییس ښاغلي مولوي عبدالرازق رفیع د مخابراتو او معلوماتي ټکنالوژۍ له وزیر ښاغلي الحاج مولوي عبدالاحد فضلي سره لیدنه او خبرې اترې وکړې.
دغه لیدنه، تېره ورځ د مخابراتو او معلوماتي ټکنالوژۍ وزیر په کاري دفتر کې ترسره شوه، چې په ترڅ کې یې د ارزاقو امارتي شرکت لپاره د ټکنالوژۍ سیسټمونو د جوړولو، پراختیا او د اړوندو همکاریو په پراختیا بحث او نظرونه شریک شول.
په دې ناسته کې د دواړو ادارو ترمنځ د همغږۍ اړوند موضوعات تر بحث لاندې ونیول شول او دواړو لورو د مطرح شویو موضوعاتو په اړه خپل نظرونه او وړاندیزونه وړاندې کړل.
همدارنګه، د ارزاقو امارتي شرکت د ټکنالوژیکي سیسټمونو د رامنځته کولو او لا ښه والي په برخه کې د همکاریو د پیاوړتیا پر اړتیاوو ټینګار وشو.
د غونډې په پای کې دواړو لورو هوکړه وکړه، چې د مطرح شویو موضوعاتو د تعقیب ترڅنګ به ګډو همکاریو او همغږۍ ته دوام ورکړي.
