د تخار ولایت پوهنتون لیلیې ته ۹ قلمه خوراکي توکي ولېږدول شول
ارزاقو امارتي شرکت د خپلو بنسټیزو فعالیتونو، خدمتونو او سوداګریز پلان له مخې؛ تېره ورځ د تخار ولایت پوهنتون لیلیې ته ۹ قلمه د اړتیا وړ خوراکي توکي ولېږدول.
د تخار ولایت د ارزاقو مدیر عبدالرحمن صاحبزاده په رالېږلي معلوماتو کې ویلي، چې په دغو خوراکي توکو کې ۷۹۸۶ کیلوګرامه وریجې، ۲۹۹۵ کیلوګرامه مایع غوړي، ۹۹۸ کیلوګرامه بوره، ۲۰۵ کیلوګرامه لوبیا، ۱۱۶ کیلوګرامه خام نخود، ۶۳۹ کیلوګرامه د خوړو مالګه، ۳۹۹ کیلوګرامه د بانجان رومیو رُب، ۲۰ کیلوګرامه د دیګ مساله او ۳ کیلوګرامه د چای هیل شامل دي. نوموړي زیاته کړې، چې یاد توکي د کتني پلاوي په شتون کې د پوهنتون لیلیې اړوند مسوول ته سپارل شوي دي.
د یادونې وړ ده، چې ارزاقو امارتي شرکت د خپلو ګدامونو څخه د هېواد ولایتونو ته خوراکي توکي لېږدوي او اړوندو نمایندګیو ته یې سپاري، چې وروسته د ادارو د اړتیاوو او غوښتنو له مخې، د مدیریتونو له لوري ورسول کېږي.
