د ارزاقو امارتي شرکت داجرايوي کمېټې نوبتي غونډه جوړه شوه
د ارزاقو امارتي شرکت د فعالیتونو د لا ښه والي، خدمتونو ته آسان لاسرسی، خلکو ته د اغېزمنو چوپړتیاوو د وړاندې کولو او د ستونزو د هواري په موخه اجرائیوي غونډه ترسره شوه. د یادې غونډې مشري د شرکت اجرائیوي رییس مولوي عبدالرازق رفیع کوله.
په غونډه کې د مالي او اداري چارو رییس مولوي مطیعالله مجروح، د سوداګریزو چارو رییس محمدامین صاحب زاده او د شرکت اړوند بېلابېلو برخو آمرینو او مدیرانو ګډون درلود.
غونډه د قرآن کریم د څو مبارکو آیتونو په تلاوت سره پیل شوه. وروسته اجرائیوي رییس مولوي عبدالرازق رفیع د کار د کیفیت، پرمختګ او اغېزناکو اجرااتو په اړه مهم موضوعات له ګډونوالو سره شریک کړل او د چټکو او بریالیو کړنو د ترسره کولو سپارښتنې یې وړاندې کړې.
د غونډې په دوام؛د شرکت آمرینو د خپلو برخو کاري راپورونه او اړوند موضوعات، چې د غونډې اجنډا کې شامل ؤ، وړاندې کړل او په اړه یې هر اړخیز بحث وشو.
د غونډې په پای کې یو شمېر وړاندیزونه او غوښتنې تائید شوې او پر نورو مهمو موضوعاتو لازمې پرېکړې ونیول شوې. غونډه د دعا په لوستلو پای ته ورسیده.
