د کاپیسا البیروني پوهنتون لیلیې ته لس قلمه خوراکي توکي ولېږدول شول
د کاپیسا ولایت د ارزاقو مدیر قاري فریدون مصلح وویل، چې وړمه ورځ د دې ولایت د پوهنتون لیلیې ته لس قلمه خوراکي توکي لېږدولي او د پوهنتون اړوند مسوول ته یې سپارلي دي.
نوموړي زیاته کړه، چې په دغو خوراکي توکو کې؛ ۲۸۸۰ کیلو ګرامه وریجې، ۱۳۵۰ کیلوګرامه اوبلن غوړي، ۶۰۰ کیلوګرامه میده بوره، ۴۰۰ کیلوګرامه لوبیا، ۵۰ کیلوګرامه خام نخود، ۱۹۲ کیلوګرامه د بانجانو رومیو رُب، ۴۰۰ کیلوګرامه د خوړو مالګه، ۷ کیلوګرامه زیره، ۵۰ کیلوګرامه شین چای او ۷ کیلوګرامه زرد چوبه شامل دي. همداراز هغه څرګنده کړه، چې تازه خوراکي توکي لکه مېوې او ترکاري باب په ورځنۍ ډول لیږدول کیږي.
د یو بل خبر له مخې؛
د بامیانو ولایت د ارزاقو مدیر نعمت الله رحمتي خبر ورکوي، چې تېره ورځ یې د کار او ټولنیزو چارو ریاست اړوند روزنتون څخه څارنه او ارزونه کړې ده. نوموړي وویل، چې د یاد روزنتون د خواړو د وېش او پخلي بهیر له نږدې وڅاره او د چارو ارزونه یې وکړه.
