د کاپیسا ولایت البیروني پوهنتون ته ۷ قلمه خوراکي توکي ولیږدول شول؛
د کاپیسا د ارزاقو مدیر ښاغلي قاري فریدون مصلح وايي، چې وړمه ورځ کاپیسا ولایت البیروني پوهنتون ته ۷ قلمه خوراکي توکي د دې مدیریت له لوري ولیږدول شول.
ښاغلي مصلح زیاته کړه، چې په یادو خوراکي توکو کې وریځې، غوړي، لوبیا، دال نخود، شین چای او نور شامل دي او دغه توکي د پوهنتون د کتنې پلاوي په شتون کې تسلیم شول.
همداراز مصلح وویل، چې د البیروني پوهنتون اداري مرستیال د ارزاقو امارتي شرکت له کړنو او چارو خوښي او رضایت څرګند کړل وې ویل،چې یاد توکي په وخت او ښه کیفیت سره پوهنتون ته رالیږدول کېږي.
دیادونې وړ ده، چې د هېواد په سړو سیمو کې د پوهنتونونو د بیا پیل سره سم؛ ارزاقو امارتي شرکت د خپلو بنسټیزو او د روان کال منظور شوي پلان له مخې ورته د خوراکي توکو د لیږد چارې پیل کړې دي .
