د پروان پوهنتون لیلیې ته یولس قلمه خوراکي توکي ولیږدول شول
د پروان ولایت د ارزاقو مدیر نورالدین مقتصد وویل، چې وړمه ورځ یې د ارزاقو امارتي شرکت له لوري د دې ولایت پوهنتون لیلیې ته ۱۱ قلمه خوراکي توکي لېږدولي دي.
نوموړي زیاتوي، چې په یادو خوراکي توکو کې؛ ۸۰۹۳ کیلوګرامه وریجې، ۲۲۳۸ کیلوګرامه غوړي، ۵۱ کیلوګرامه شین چای، ۱۱۴.۸ کیلوګرامه خام نخود، ۱.۷۲۲ کیلوګرامه د چای هیل، ۶.۸۸۸ کیلوګرامه زردچوبه، ۱۰.۳۳۲ کیلوګرامه زیره، ۱۷.۲۲ کیلوګرامه د دیګ مساله، ۲۷۵ کیلوګرامه رُب، ۵۵۱ کیلوګرامه د خواړو مالګه او ۸۹۵ کیلوګرامه بوره شامل دي.
مقتصد څرګندوي، چې یاد خوراکي توکي د دواړو لوري د کتني پلاوي په شتون کې د پروان پوهنتون د لیلیي اړوند مسوول ته تسلیم شول. همداراز د پروان پوهنتون اداري پلاوي د ارزاقو امارتي شرکت له خدمتونو خوښي ښودلې او د یادو خوراکي توکو له کمیت او کیفیت څخه یې رضایت څرګند کړی دی.
هېره دې نه وي، چې د ارزاقو امارتي شرکت د خپلو بنسټیزو فعالیتونو په دوام د هېواد د پوهنتونونو لیلیو ته د خوراکي توکو لېږد په منظم ډول ترسره کوي.
