د ارزاقو امارتي شرکت حقوقي سلاکار خپله دنده پیل کړه
ابوذر خپلواک د ارزاقو امارتي شرکت د حقوقي سلاکار په توګه رسماً د شرکت د اجرائیوي رییس مولوي عبدالرازق رفیع له خوا آمرینو، مدیرانو او کارکوونکو ته وروپېژندل شو او په رسمي ډول یې خپله دنده پیل کړه.
د نوموړي د پېژندنې په مراسمو کې د شرکت د مالي او اداري چارو رییس مولوي مطیعالله مجروح، د سوداګریزو چارو پراختیا رییس مولوي سیدنیک محمد معتصم او همدارنګه د شرکت د بېلابېلو برخو آمرینو او مدیرانو ګډون درلود.
ابوذر خپلواک د آزادې سیالۍ له لارې دې بست ته بریالی او د امارتي شرکتونو د لوی ریاست د ۱۴۷ ګڼې حکم له مخې په یادې دندې ګمارل شوی دی.
نوموړی په نړیوالو اړیکو کې د ماسټرۍ سند لري او له دې وړاندې یې د کاروان پوهنتون د رییس، د علمي چارو د مرستیال او په زابل غرجستان پوهنتون کې د استاد په توګه دندې ترسره کړې دي.
