د ارزاقو امارتي شرکت اداري غونډه جوړه شوه
د ارزاقو امارتي شرکت اداري غونډه جوړه شوه
د سلواغې دويمه:
د کاري چټکتيا، د لا ښه والي، د ستونزو د حل، همداراز د ارزاقو امارتي شرکت د فعاليتونو، کړنو او لاسته راوړنو په موخه اداري غونډه جوړه شوه، چې مشري يې د نوموړي شرکت اجراٸيوي رييس ښاغلي مولوي عبدالرازق رفيع کوله. په دې اونيزه غونډه کې د مالي او اداري چارو او سوداکريزو چارو رييسانو په کډون ددې ادارې آمرينو او مديرانو ګډون کړى وو.
غونډه د سپيڅلي قران په څو مبارکو آياتونو پيل شوه او د غونډې د اجنډا له مخې ټولو ګډونوالو ته د ارزاقو امارتي شرکت اجرائیوي رئیس ښاغلي مولوي عبدالرازق رفیع او د تېرې غونډې په پايلو او نتايجو خبرې وکړې.
په جوړه شوې غونډه کې د مالي او اداري، تدارکاتو، سوداګريزو پرمختيا، پلان او پاليسي، خدماتو، د کارکوونکو چارو آمرينو او مديرانو په ترتيب سره خپل کاري راپورونه د غونډې له برخوالو سره شريک او د چارو د پرمختګ په برخه کې هم يو لړ وړانديزونه د غونډې اداري پلاوي ته وړاندې کړل.
وروسته د ارزاقو امارتي شرکت اجراٸيوي رييس مولوي عبدالرازق رفيع ټولو کارکوونکو ته په چارو کې د لاپرمختګ غوښتنه وکړه او وې ويل، چې د مسووليتونو د اداينې ترڅنګ هڅې وشي، ترڅو په چارو کې لازيات پرمختګونه، نوښتونه او لاسته راوړنې ترسره شي.
همداراز ښاغلي رفيع د شرکت د کارکوونکو هلې ځلې د ستاينې وړ وبللې او په چارو کې يې د لازياتو برياوو غوښتونکى شو.د غونډه په پاى کې يو لړ پرېکړې، غوښتنې او وړانديزونه وشول، چې په راتلونکي به ورته رسيدنه وشي.
#دنشراتومديريت
