د کابل طبي علومو اړوند علي آباد تدریسي روغتون ته ۱۰ قلمه خوراکي توکي ولیږدول شول
د ارزاقو امارتي شرکت د پروژو د تطبیق مسوولین خبر ورکوي، چې وړمه ورځ یې د کابل طبي علومو اړوند عليآباد تدریسي روغتون ته ۱۰ قلمه د اړتیا وړ خوراکي توکي لېږدولي دي.
د مسوولینو په وینا؛ په یادو خوراکي توکو کې؛ ۲۶۰۰ کیلوګرامه وریجي، ۱۰۰۰ کیلوګرامه مایع غوړي، ۲۲۰ کیلوګرامه لوبیا، ۲۲۰ کیلوګرامه خام نخود،۵۰۰ کیلوګرامه بوره، ۸۱ کیلوګرامه شین چای،۱۳۰ کیلوګرامه د خوړو مالګه، ۵۰۰ کیلوګرامه وچې شیدې، ۲۷ کیلوګرامه د دیګ مساله او ۵۰ کیلوګرامه دال نخود شامل دي.
همداراز، د شرکت د پروژو د تطبیق مسوولینو څرګنده کړه، چې یاد خوراکي توکي د دواړو لورو د کتنې پلاوو په شتون کې د عليآباد تدریسي روغتون اړوند مسوول ته وسپارل شول.
د یادونې وړ ده، چې ارزاقو امارتي شرکت د خپلو بنسټیزو فعالیتونو او خدمتونو په دوام، دولتي او غیر دولتي ادارو سره د شویو قراردادونو له مخې؛ اړین خوراکي توکي لېږدوي.
