د ارزاقو امارتي شرکت له لوري ۷ قلمه خوراکي توکي د عامې روغتیا مرکزي سټاک (ګدام) ته و لېږدول شول؛
د ارزاقو امارتي شرکت د بنسټیزو فعالیتونو او د همدې کال د منظور شوي پلان په اساس؛ د هېواد د عامې روغتیا وزارت مرکزي سټاک (ګدام) ته د معتادینو روغتونونو لپاره ۷ قلمه د اړتیا وړ خوراکي توکي د نوموړي شرکت لخوا ولیږدول شول.
د ارزاقو امارتي شرکت د پروژو د تطبیق مسوول جان محمد عمري وايي، چې تېره ورځ د عامې روغتیا مرکزي سټاک ته ۷ قلمه اړین خوراکي توکي چې په کې؛ ۶۴۱۳۲ کیلوګرام وريځې، ۳۱۰۷۶.۵ کیلو ګرام مایع غوړي، ۲۱۹۶۲.۵ کیلوګرام وطنۍ لوبیا، ۱۸۶۰.۵ کیلو ګرام شین چای، ۹۹۳۳ کیلو ګرام وچې شیدې، ۱۲۰۶۸.۳ کیلوګرام میده بوره او ۴۷۸۳ آیودین لرونکي مالګه شامل دي، ولېږدول شو.
عمري زیاته کړه، چې د دغو خوراکي توکو د انتقال او ورکړې پر مهال د عامې روغتیا وزارت او د مرکزي سټاک (ګدام) هئیتان هم حضور درلود.
د یادونې وړ ده چې د عامې روغتیا اړوند روغتونونو لپاره د تازه خوراکي توکو (سبري او میوه) لېږد هره ورځ ترسره کېږي.
