د زابل ولایت ولایتي روغتون ته ۱۰ قلمه خوراکي توکي ولیږدول شول
د زابل ولایت د ارزاقو مالي او اداري مدیر عبدالمالک مصلح په یوه رالیږلې خبرپاڼه کې ویلي، د دې ولایت ولایتي روغتون ته ۱۰ قلمه خوراکي توکي لېږدولي دي.
د خبرپاڼې له مخې؛ په یادو خوراکي توکو کې ۸۱۰ کیلوګرامه وریجې، ۳۸۰ کیلوګرامه لوبیا، ۳۸۰ کیلوګرامه نخود، ۲۶۰ کیلوګرامه بوره، ۴۲۰ لیتره مایع غوړي، ۸۵ کیلوګرامه شین چای، ۳۰ کیلوګرامه تور چای، ۷۰ کیلوګرامه د خواړه مالګه، ۲۴۰ کیلوګرامه شیدې او ۱۰ کیلوګرامه زیره شامل دي.
خبر پاڼه زیاتوي، چې یاد خوراکي توکي د دواړو لوري د کتنې پلاوو په شتون کې د زابل ولایت ولایتي روغتون اړوند مسوول ته تسلیم شول.
هېره دې نه وي، چې د ارزاقو امارتي شرکت د خپلو بنسټیزو فعالیتونو په دوام د هېواد پوهنتونونو، روغتونونو، روزنتونونو، وړکتونونو او دارالعلومونو ته د خوراکي توکو لېږد په منظم ډول ترسره کوي.
