د لغمان ولایت پوهنتون ته د اړتيا وړ خوراکي توکي ولېږدول شول؛
د لغمان ولایت د ارزاقو لوی مدیر وحیدالله الکوزي خبر ورکړ، چې تېره اونۍ د لغمان ولایت پوهنتون شپه غالې (لیلې) ته ۷ قلمه اړین خوراکي توکي د ارزاقو مدیریت لخوا ولېږدول شول.
وحیدالله الکوزي وویل، چې په دغو خوراکي کڅوړو کې وريځې، غوړي، لوبیا، چای، خام نخود، بوره، زرد چوبه، زیره، د دیګ مساله او مالګه شامل دي.
ښاغلي الکوزي زیاته کړه، چې پورته ذکر شوي اوه قلمه خوراکي توکي د ارزاقو مدیریت لخوا د هئیتانو په شتون کې د لغمان پوهنتون استازي ته تسلیم شول.
د یادونې وړ ده، چې د هېواد پوهنتونو شپه غالو ته د تازه خوراکي توکو لېږد په ورځني توګه ترسره کېږي.
