ارزاقو امارتي شرکت د کاپیسا ولایت د امام اعظم (رح) دارالعلوم ته ۹ قلمه خوراکي توکي ولېږدول
د کاپیسا ولایت د ارزاقو لوی مدیر قاري فریدون مصلح وايي، چې د تېرې اوونۍ په ورستیو کې د پوهنې ریاست اړوند د امام اعظم (رح) دارالعلوم ته ۹ قلمه خوراکي توکي لېږدول شوي دي.
نوموړي زیاته کړه، چې یاد خوراکي توکي د ارزاقو امارتي شرکت له ګدامونو څخه بار او د کاپیسا ولایت د ارزاقو مدیریت له لارې یاد دارالعلوم ته د کتنې پلاوي په حضور کې اړوند مسوول ته تسلیم شول.
مصلح زیاتوي، چې په یادو خوراکي توکو کې؛ ۶۶۹ کیلوګرامه وریجې، ۱۷۰ کیلوګرامه مایع غوړي، ۱۸۲ کیلوګرامه لوبیا، ۲۴۸ کیلوګرامه کچالو، ۷۱ کیلوګرامه پیاز، ۱۰۰ کیلوګرامه بوره، ۸.۵ کیلوګرامه شین چای، ۶۸ کیلوګرامه د خواړه مالګه او ۵۶ کیلوګرامه رُب شامل دي. همداراز قاري مصلح زیاته کړې، چې د دې خوراکي توکو تر څنګ ۱۶۳۸ کیلوګرامه د سون لرګي هم یاد دارالعلوم ته لېږدول شوي دي.
دی وايي، د امام اعظم (رح) دارالعلوم مسوولین د ارزاقو امارتي شرکت له خوا د باکیفیته او معیاري توکو له وړاندې کولو خوښ دي او د رضایت څرګندونه یې کړې ده.
هېره دې نه وي، چې د ارزاقو امارتي شرکت له څو کلونو راهیسې دولتي ادارو ته د خوراکي توکو د برابرولو او لېږد چارو مسوولیت لري او د فعالیتونو په کیفیت کې یې شاوخوا ۸۵ سلنه پرمختګ راغلی دی.
