د ارزاقو امارتي شرکت د پانګونې د جذب او سوداګرۍ پرمختیا آمر د دواطلبۍ پروسه کې ګډون وکړ؛
د ارزاقو امارتي شرکت د بنسټیزو فعالیتونو او سوداګریزو پلانونو په اساس د دولتي ادارو په داوطلبۍ پروسه کې ګډون کوي، چې دا چاره د شرکت د سوداګریزو پرمختګ لپار مهم رول لوبولی شي.
د هېواد د زندانونو چارو ریاست د کندز، بلخ او هلمند ولایتونو اړوند زندانونو لپاره د اړتیا وړ دوه قلمه د پُسه او غويي تازه غوښو برابرول او رسول د ازادې داوطلبۍ په موخه اعلان ته ورکړي و، ددې شرکت د پانګونې د جذب او سوداګرۍ پرمختیا آمر اسدالله ابراهیمي په یاده پروسه کې ګډون کړی ؤ.
د پانګونې د جذب او سوداګرۍپرمختیا آمر وویل، د ارزاقو امارتي شرکت؛ علاوه ۲۳ نورو خصوصي شرکتونو هم په دې آزاده د داوطلبي په پروسه کې ګډون کړي وو. نوموړي زیاته کړه، چې د یادې داوطلبۍ د ګټڼې پایلې به په راتلونکي څو ورځو کې اعلان شي.
