د بدخشان پوهنتون لیلیې ته ۹ قلمه خوراکي توکي ولیږدول شول
د بدخشان ولایت د ارزاقو لوی مدیر فضل الرحمن فضلي وايي، چې د کندز ولایت د ارزاقو مدیریت له ګدامونه څخه ۹ قلمه د اړتیا وړ خوراکي توکي را بار او وړمه ورځ یې د بدخشان پوهنتون لیلیې ته لېږدولي دي.
نوموړی زیاتوي؛ چې په یادو خوراکي توکو کې ۱۹۸۰۰ کیلوګرامه وریجي، ۶۴۳۵ کیلوګرامه مایع غوړي، ۲۴۷۵ کیلوګرامه بوره، ۱۴۸ کیلوګرامه شین چای،۹۹۰ کیلوګرامه د رومیو رُب، ۱۹ کیلوګرامه زردچوبه، ۴۹ کیلوګرامه د دیګ مساله، ۲۹ کیلوګرامه زیره او ۵ کیلوګرامه د چای هیل شامل دي.
فضلي څرګنده کړه، چې یاد خوراکي توکي د دواړو لوري د کتنې پلاوو په شتون کې د بدخشان پوهنتون د لیلیي اړوند مسوول ته تسلیم شول.
همداراز د بدخشان پوهنتون اداري پلاوي د ارزاقو امارتي شرکت له هڅو مننه کړې او له خدماتو یې خوښي څرګنده کړې ده.
یاده دې وي، چې د ارزاقو امارتي شرکت د خپلو بنسټیزو فعالیتونو په دوام کې، د هېواد د پوهنتونونو لیلیو او نورو ادارو سره د شویو قراردادونو له مخې؛ خوراکي توکي په منظم ډول لېږدوي.
